ನೆಮ್ಮದಿ

ಬಂಗಾರದ ಬದುಕಿಗೆ ಸಂತೃಪ್ತಿಯೆ ಶ್ರೇಯವು

 ಬಂಧಿತ ಬದುಕಿಗೆ ಖಿನ್ನತೆಯೆ ಫಲವು 

ಸರಳಿ ಬವಣೆಗೆ ದುರಾಸೆಯೆ ಮೂಲವು 

ಸರಳ ಜೀವನಕೆ ನೆಮ್ಮದಿಯೆ ದೇಗುಲವು  

ರಾಮಚಂದ್ರ ಸಾಗರ್

ಜಗವ ಕಟ್ಟು

ಉದಾತ್ತ ಹೃದಯಲಿ ಸಿರಿತನವ ಗಳಿಸು 

ಉದಾರತೆಯ ಶಕ್ತಿಯಲಿ ಕೋಪ ದಹಿಸು 

ಅಕ್ಕರೆಯ ಮಹಲಿನಲಿ ಸ್ನೇಹ ಬೆಳೆಸು 

ಸಚ್ಚರಿತ ಗುಣಗಳಲಿ ಜಗವ ಕಟ್ಟು 

 ರಾಮಚಂದ್ರ ಸಾಗರ್

ನೆರಳು

ಅಂಧಕಾರದ ಮನಸ್ಸಿಗಿದೆ ಅಜ್ಞಾನವೆನ್ನುವ ನೆರಳು

ಅಂತರಂಗದ ತುಮುಲಗಳಿಗಿದೆ ನೋವೆನ್ನುವ ನೆರಳು

ಅಂಜುಬುರುಕ ಹಾದಿಗಿದೆ ಹೇಡಿತನದ ನೆರಳು

ಅಂತಃಕರಣದ ಪರಾಮರ್ಶೆಯಲ್ಲಿದೆ ಸತ್ಯದ ನೆರಳು 

ರಾಮಚಂದ್ರ ಸಾಗರ್

ಬೆಳಗು

ಸದ್ಭಾವದ ಮನದಲಿ ಸುಗುಣದ ದೀಪವಾಗು

ಸದ್ಭಾಷಿಣಿ ಕಿರಣಗಳಲಿ ಮನ-ಮನಗಳ ಬೆಳಗು

ಸಹನೆಯ ಸ್ಮರಣೆಯಲಿ ದಿವ್ಯತೆಯ ಕರುಣಿಸು

ಸಹಮತದ ಬದುಕಿನಲಿ ಭವ್ಯತೆಯ ಹರಸು

ರಾಮಚಂದ್ರ ಸಾಗರ್