ಹೃದಯದ ಪ್ರೀತಿಯ ಕರೆಯನು
ಒಲವೆ ನೀ ನೀಡು ಬಾ
ಬಾಳಿಗೆ ಒಲವಿನ ವಚನವನು
ಸಖಿಯೆ ನೀ ಒಲಿದು ಬಾ
ಬಾಳನು ಸ್ನೇಹದಿ ಬೆಳಗಲು
ಸಂಪನ್ನೆ ನೀ ಜೊತೆಯಾಗು ಬಾ
ಸತ್ಕಾರವು ಬಾಳಾಗಿಸಲು
ಜೊತೆಗಾತಿ ನೀ ನಗುತ ಬಾ
ಬಾಳಿಗೆ ಪ್ರೀತಿಯ ನೆರಳಾಗಲು
ಚೆಲುವೆ ನೀ ದೀಪವಾಗಿ ಬಾ
ಮೋಹದ ಮನೆಯನು ಬೆಳಗಲು
ಕೋಮಲೆ ನೀ ಒಲವಿನಲೆಯಾಗಿ ಬಾ
ಅನುರಾಗದಲೆ ಬದುಕಲಿ ಬೀಸಲು
ಮಾಧುರಿಯೆ ನೀ ಮಧುವಾಗಿ ಬಾ
ತಂಪಿರುಳಲಿ ಸವಿ ಕನಸಾಗಲು
ಸೌಜನ್ಯವೆ ನೀ ಸೌಮ್ಯದ ನದಿಯಾಗಿ ಬಾ
ಸಂಪ್ರೀತಿಯ ತೇರಲಿ ನಲಿಯಲು
ಒಡತಿಯೆ ನೀ ಒಪ್ಪು ಬಾ
ಬಯಸಿದ ಹೃದಯದ ನಿವೇದನೆಯನು
ರಾಮಚಂದ್ರ ಸಾಗರ್
