ನಿನ್ನ ಮಮತೆಯ ಅಪ್ಪುಗೆಯೆ
ಬಾಳಿಗೆ ಅಭಯದ ವಚನವಾಗಲಿ
ನಿನ್ನ ಸೌಜನ್ಯದ ಕೈಸೆರೆಯೆ
ಹೃದಯಕೆ ಸಂಭ್ರಮದ ಸತ್ಕಾರವಾಗಲಿ
ನಿನ್ನ ಸನ್ನಿಧಾನದ ಸಖ್ಯವೆ
ಹೊಂಗನಸಿನ ಸಿಂಗಾರದ ಕಡಲಾಗಲಿ
ನಿನ್ನ ಮೋಹದ ಸಂಕೋಲೆಯೆ
ಸ್ವರ್ಗದ ಸುಭಗ ಸಾಕ್ಷಾತ್ಕಾರವಾಗಲಿ
ನಿನ್ನ ವಿನಯದ ವೈಭವದ ಹಾದಿಯೆ
ಅಕ್ಕರೆಯ ಶುಭದ ಪಯಣವಾಗಲಿ
ನಿನ್ನ ಸ್ನೇಹದ ನಲ್ಮೆಯ ಅಲೆಯೆ
ಆನಂದದ ಅಭಿಷೇಕದ ಮಳೆಯಾಗಲಿ
ನಮ್ಮ ಪ್ರೇಮದ ಸಮಾಗಮವೆ
ನಿತ್ಯ ಕಂಪಿಸುವ ಸೌಗಂಧವಾಗಲಿ
ನಮ್ಮ ಆನಂದದ ಆಲಯವೆ
ಪ್ರೀತಿಯ ಸುಯೋಗದ ಮಂದಿರವಾಗಲಿ
ನಮ್ಮೊಲವಿನ ಪಾವನ ಬಂಧನವೆ
ಆಹ್ಲಾದದ ಆಸ್ವಾದ ಆಸ್ಥಾನವಾಗಲಿ
ಸುಖದ ಬಾಳಿನ ಆಖ್ಯಾನವೆ
ತ್ಯಾಗ ನಿಸ್ವಾರ್ಥದ ನಮ್ಮೊಲವಿನ
ಬಲವಾಗಲಿ ಗೆಳೆಯ..
ರಾಮಚಂದ್ರ ಸಾಗರ್
