ಪ್ರೀತಿಯ ಕಡಲಿಗೆ ನೀ ಕೈಬೀಸಿ ಕರೆದಾಗ
ಪ್ರೇಮದಲೆಯಲಿ ಹೃದಯ ನಲಿದಂತೆ
ನೀಲಿ ಬಾನಿಗೆ ನೀ ಕೈತೋರಿ ನಗುವಾಗ
ಸೌಭಾಗ್ಯದ ಸ್ವರ್ಗವು ದರ್ಶನವಾದಂತೆ
ಪ್ರೇಮದ ಬೆಳಕಿಗೆ ನೀ ಕೈದೀಪವಾದಾಗ
ಒಲುಮೆಯ ಬಾಳು ನಿತ್ಯ ಬೆಳಗಿದಂತೆ
ಮಮತೆಯ ಬಂಧಕೆ ನೀ ಮೈತ್ರಿಯಾದಾಗ
ಸ್ನೇಹದ ಪಥವು ಸಾಗುವ ಜಗವಾದಂತೆ
ಒಲವ ರಂಗು ನೀ ಬಾಳಿಗೆ ಬಳಿದಾಗ
ನಿನ್ನೊಲವ ರಂಗಲಿ ಮೈಮನ ರಂಗೇರಿದಂತೆ
ಇನಿದಾದ ದನಿಯಲಿ ನೀ ದನಿಸುವಾಗ
ಮಧುರ ಮಂಟಪಲಿ ನೀ ಜೊತೆಯಾದಂತೆ
ಮಂಗಳದ ಘಳಿಗೆಗೆ ನೀ ಶುಭದ ಸುದೈವವಾದಾಗ
ಶುಭದ ನೌಕೆಯಲಿ ನೀ ಸಾರಥಿಯಾದಂತೆ
ಕಡಲತಡಿಯಲಿ ನೀ ಸುಳಿದಾಡುವ ತಂಗಾಳಿಯಾದಾಗ
ಕಡಲ ಕಿನಾರೆಯಲಿ ನೀ ರಮಿಸುವ ರಮಣಿಯಾದಂತೆ
ಸೌಜನ್ಯದ ಹೆಜ್ಜೆಯಲಿ ನೀ ನನ್ನೆಡೆ ಬಂದಾಗ
ಸಜ್ಜನಿಕೆಯ ಸೌಜನ್ಯವತಿ ಬಾಳಿಗೆ ಸತ್ಕರಿಸಿದಂತೆ
ಸಡಗರದ ಪ್ರೀತಿಯ ಮೇನೆಗೆ ನೀ ಸಿಂಗಾರವಾದಾಗ
ಪ್ರೇಮದ ಕಡಲಿನಲಿ ಉಬ್ಬರವಾದಂತೆ
ರಾಮಚಂದ್ರ ಸಾಗರ್
