ನಾ ಬೇಡುವ ವರವು

ಗೆಳತೀ..
ನಿನ್ನೊಲವ ಪ್ರೇಮದ ಕೊಡುಗೆಯೇ 
ನಾ ನಲಿವ ಮೋಹದ ಕಡಲಾಗಿದೆ
ನೀ ಮುದ್ದಿಸುವ ಸವಿ ಘಳಿಗೆಯೇ
ನಾ ಸಂಭ್ರಮಿಸುವ ಜಗವಾಗಿದೆ

ನೀ ನೀಡಿದ ಮಮತೆಯ ಮುತ್ತು
ಮನಕೆ ಸಂತಸ ಮಳೆಯಾಗಿದೆ
ನಿನ್ನೊಲುಮೆ ಅಕ್ಕರೆಯ ಅಪ್ಪುಗೆಯೆ
ವೈಭವದ ಬಾಳಿಗೆ ಅಭಯವಾಗಿದೆ

ನೀ ತೋರುವ ಪ್ರೀತಿಯ ಪರಿಯೆ
ನೀಲಾಗಾಸದ ಪರಿಧಿಗು ಮಿಗಿಲು
ನಿನ್ನೊಲವ ಸಂತಸದ ಕೈಸೆರೆಯೆ
ಸೌಖ್ಯದ ಅರಮನೆಯ ವಾಸವು

ನಿನ್ನ ತುಂಟ ಸವಿನೋಟದ ಹಿತವೇ
ಹೃದಯಕೆ ರಮಿಸುವ ಸಂಜೀವಿನಿಯು
ನಿನ್ನ ಸಾರಥ್ಯದ ಕೋಮಲ ಜಗವೇ
ಸೌಂದರ್ಯ ಚಿಲುಮೆಯ ಮಂಟಪವು

ನಿನ್ನ ಬಿನ್ನಾಣದ ನಗುವಿನ ಫಲವೇ
ಅಮಲೇರಿಸುವ ಕನಸಿಗೆ ಕಾರಣವು
ನಿನ್ನ ಪ್ರೀತಿಯ ಸವಿ ಬಂಧನವೇ
ಬಾಳೆಲ್ಲ ನಾ ಬೇಡುವ ವರವು

ರಾಮಚಂದ್ರ ಸಾಗರ್