ಬಿರಿದ ಮಲ್ಲಿಗೆಯ ಹೂ ಬನವು
ನಿನ್ನ ಕಿರುನಗುವ ಮೊಗವು
ಒಲವ ಕಾಂತಿಯ ಓರಣವು
ನಿನ್ನ ಮೋಹದ ಸಿಹಿನೋಟವು
ಎದೆಯ ಗೂಡಿನ ಪ್ರೇಮಗಾನವು
ನಿನ್ನೊಲವ ಸಹವಾಸದ ಫಲವು
ಜಗದ ಸೋಜಿಗದ ಪ್ರೇಮರೂಪವು
ಮನ ಬಂಧಿಸಿದ ನಿನ್ನ ಸಾರಥ್ಯವು
ಪ್ರೀತಿಯ ಹೊಳೆಯ ಜೀವದುಸಿರು
ನಿನ್ನ ಮೆಲುದನಿಯ ಹಾಡು
ಒಲವ ವಸಂತದ ಆಗಮನವು
ಹೃದಯವತಿ ನೀ ಬರುವ ಬಾಳು
ಒಲವ ತೋಟದ ಚೇತನವು
ನಿನ್ನ ಸೌಂದರ್ಯದ ಪ್ರೇರಣೆಯು
ಮೋಹದ ಕಡಲಿನ ಉಬ್ಬರವು
ನಿನ್ನ ಪ್ರೇಮಕಾಂತಿಯ ಕಾರಣವು
ಸದಾ ಬೀಸುವ ಒಲವಿನಲೆಯು
ನಿನ್ನ ಅವಿಶ್ರಾಂತ ನಗುವ ನಯನವು
ಸದಾ ನಲಿಸುವ ಘಳಿಗೆಯು
ನಿನ್ನ ಅಮಲೇರಿಸುವ ಕಿರುನಗೆಯು
ರಾಮಚಂದ್ರ ಸಾಗರ್
