ಬಾಳಿನ ಉಲ್ಲಾಸದ ಮಳೆಯೆ
ನೀ ನನ್ನವನೆಂಬ ಸವಿ ಕನಸು
ಹೃದಯದ ದನಿಯ ನಿನಾದವೆ
ನೀ ಬೆಸೆದ ಒಲವ ಬಂಧವು
ಜೀವದ ಒಲುಮೆಯ ಓರಣವೆ
ನೀ ನೀಡಿದ ಕೈಸೆರೆಯು
ರಂಗು ತುಂಬಿದ ಜಗವೆ
ನೀ ಮೋಹಿಸುವ ಕ್ಷಣವು
ಮನದ ಮನೆಯ ದೀಪವೆ
ನೀ ಕರುಣಿಸಿದ ಒಲವ ತಂಬೆಳಕು
ಒಲವ ನೌಕೆಯ ಇಂಧನವೆ
ನೀ ಜೊತೆ ನಗುವ ಸಾರಥ್ಯವು
ಪ್ರೇಮ ಪಯಣದ ಹಾದಿಯೆ
ನೀ ತೋರಿದ ಒಲುಮೆಯ ಪಥವು
ಮನಸು ಮೊರೆವ ಭಿಕ್ಷೆಯೆ
ನೀ ಆಗಮಿಸುವ ಘಳಿಗೆಯು
ಕನಸುಗಳ ಜಾತ್ರೆಯ ಮೆರವಣಿಗೆಯೆ
ನೀ ಸನಿಹವಾಗುವ ಸಂಬ್ರಮವು
ಇನಿದಾದ ಕನಸುಗಳ ಸಾಕಾರವೆ
ನೀ ನನ್ನೊಂದಿಗೆ ಒಪ್ಪಿ-ಅಪ್ಪಿದ ಬಾಳ್ವೆಯು
ರಾಮಚಂದ್ರ ಸಾಗರ್
