ಒಲವ ಗಾನ ಹಾಡೋಣ ಬಾ
ಅರಳಿದ ಮಲ್ಲಿಗೆಯ ನಗುವಲಿ
ಪ್ರೇಮದ ಕುರುಹು ಕಾಣೋಣ ಬಾ
ಮುಸ್ಸಂಜೆಯ ರಂಗಿನ ಓರಣದಲಿ
ಒಲವ ರಂಗೋಲಿ ಎಳೆಯೋಣ
ಮಳೆ ಮೋಡದ ಹನಿಗಳ ಸದ್ದಿನಲಿ
ಪ್ರೇಮದ ಪದಗಳ ಗುನುಗೋಣ ಬಾ
ಸುಳಿಗಾಳಿಯ ಸೌಗಂಧದ ಸವಿಯಲಿ
ಒಲವ ಸೌರಭದ ಸೌಧ ಕಟ್ಟೋಣ
ನಲಿವ ನವಿಲಿನ ಸೋಜಿಗದ ಚೆಲುವಲಿ
ಹೃದಯ ನಲಿವಿನ ನಂದನವಾಗಿಸೋಣ ಬಾ
ಮೆಲು ನಗುತ ಮೋಹದ ಬಂಧದಲಿ
ಇನಿದಾದ ಕನಸುಗಳಿಗೆ ಸ್ವಾಗತಿಸೋಣ
ಮಮತೆಯ ಆಸರೆಯ ನೆರಳಲಿ
ಪ್ರೀತಿಯ ಪಾವಿತ್ರ್ಯ ಆರಾಧಿಸೋಣ ಬಾ
ಮಿಡಿದ ಹೃದಯಗಳ ಉಸಿರಿನಲಿ
ಸದಾ ಒಲವೇ ಉಸಿರಾಗಿಸೋಣ
ಹವಣಿಸು ಸವಿ ಕಣ್ಣೋಟದಲಿ
ಸತ್ಕಾರದ ಪ್ರೀತಿಯ ಬಯಸೋಣ ಬಾ
ರಾಮಚಂದ್ರ ಸಾಗರ್
