ನೀ ಬಾಳಿನ ಬೆಂಗಾವಲು

ಬೆಡಗಿ..
ನಿನ್ನ ಬಾಹು ಬಂಧನವೆ
ನನ್ನ ಬಾಳಿನ ರಕ್ಷೆಯು
ನಿನ್ನ ಕಣ್ಣಿನ ಕಾಂತಿಯೆ
ನನ್ನ ಬಾಳಿನ ಬೆಳಕು

ನೀ ತೋರುವ ಜಗವೆ
ನನ್ನ ಬದುಕಿಗೆ ಮುನ್ನುಡಿಯು
ನೀ ಕರೆದ ದಾರಿಯೆ
ನೋವಿರದ ಬಾಳ್ವೆಯು

ನೀ ನಲಿವ ಜಗವೆ
ಒಲವರಂಗಿನ ಅಂಗಳವು
ನೀ ಕೈಹಿಡಿದ ಕ್ಷಣವೆ
ಸುಯೋಗದ ಅಭಿಷೇಕವು

ನಿನ್ನ ಮುದ್ದು ಮೊಗವೆ
ಮನದ ನೋವಿಗೆ ಪರಿಹಾರವು
ನಿನ್ನ ತುಂಟ ನಗುವೆ
ಸಿಹಿಯಾಮೃತದ ಒಡಲು

ನಿನ್ನ ಸವಿ ಮಾತಿನ ನುಡಿಯೆ
ಬಾಳಿಗೆಲ್ಲ ಸಡಗರದ ಶರಧಿಯು
ನಿನ್ನ ಸತ್ಕಾರದ ನಡೆಯೆ
ಬಾಳ ನೌಕೆಗೆ ಬೆಂಗಾವಲು

ರಾಮಚಂದ್ರ ಸಾಗರ್