ಮನದ ನೋವೆಲ್ಲ ಮರೆಯಾದಂತೆ
ತೊದಲು ಮಾತುಗಳು ಇಂಪಾದಾಗ
ಮತ್ಸರದ ಮನಸೆಲ್ಲ ಕೊನೆಯಾದಂತೆ
ಮುದ್ದು ಕಂದಮ್ಮಗಳು ನಲಿದಾಗ
ಶುಭ್ರ ಲೋಕದ ದರ್ಶನವಾದಂತೆ
ಪುಟ್ಟ ಹೆಜ್ಜೆಗಳನು ನಗುತ ಇಡುವಾಗ
ಮಹಿಮೆ ಗುರುತಾಗಿ ಅಚ್ಚಾದಂತೆ
ಕಣ್ಣರೆಪ್ಪೆಗಳನು ನವಿರಾಗಿ ಬಡಿಯುವಾಗ
ಸೋಜಿಗದ ಜಗವನು ಕರೆದಂತೆ
ಮುಖಭಾವವು ಸೌಮ್ಯದ ಸಿರಿಯೆನಿಸುವಾಗ
ಮನದ ಮುನಿಸು ದಹನವಾದಂತೆ
ಕೈಹಿಡಿದು ನಗುತ ಮೆತ್ತನೆ ಸಾಗುವಾಗ
ಸ್ನೇಹದ ಮುದ್ರಿಕೆ ಮುದ್ರಿಸಿದಂತೆ
ನಗುತ ಮುನ್ನುಗ್ಗುತ ಮುಗುಳುನಗೆ ಬೀರಿದಾಗ
ಸೌಹಾರ್ದದ ಏಳಿಗೆ ಸಂಭ್ರಮಿಸಿದಂತೆ
ರವಿಕಾಂತಿಯ ಸೊಬಗು ಚೆಲ್ಲುವಾಗ
ಕಂದಮ್ಮಗಳ ಹಾದಿಯು ಹೊನ್ನಾದಂತೆ
ಹೊಳೆವ ನಯನಕಾಂತಿ ಶುಭವೆನಿಸುವಾಗ
ಶುಭಸಮಯದೀ ಶುಭದ ಜಗವರಳಿದಂತೆ
ರಾಮಚಂದ್ರ ಸಾಗರ್
