ಉನ್ನತಿಕೆ ದೀಪವಾಗಿ ಬೆಳಗು
ಉದ್ದಿಷ್ಟ ಆಸೆಗಳೆ ಈ ದಿನದೊಳು
ಉದ್ದಿಪನ ನನಸಾಗು ನನ್ನೊಳು
ಉಮ್ಮಳಿಸುವ ಘಳಿಗೆಯನು ಹೊಡೆದೋಡಿಸು
ಉನ್ಮೀಲಿತ ಹೂವಂತೆ ಬಾಳಾಗಿಸು
ಉರ್ವರೆಯ ನೆಲೆಯಲಿ ಜೀವದಾ ಸೆಲೆಯಾಗು
ಉಮೇದು ಜಗಕೆ ಒಲವಿನ ಅಲೆಯಾಗು
ಉಜ್ವಲ ಕಾಂತಿಯಲಿ ಬಡತನ ದಹಿಸು
ಉಜ್ವಲಿಸುವ ಧೈರ್ಯದ ಬಂಧುವಾಗು
ಉತ್ತುಂಗದ ಉಕ್ತಿಯಲಿ ಸದ್ಗತಿಯ ಸಂದೇಶವಾಗು
ಉತ್ಕರ್ಷದ ಸೌಧದಲಿ ಸಂತಸದ ನೆಲೆಯಾಗು
ಉಡಾಳ ಜೀವದಲಿ ಚೈತನ್ಯ ಮೂಡಿಸು
ಉಡಾಫೆ ಬದುಕಿಗು ಸಕಾರದ ಸಿರಿಯಾಗು
ಉದಾಸೀನ ಕಾಯಕದಲಿ ಉತ್ಸಾಹದ ಹೆಜ್ಜೆಯಾಗು
ಉನ್ನತಿಯ ಉದಧಿ ಬದುಕಾಗಿಸು ಜಗದೊಳು
ಉದಯಿಸುವ ರವಿಯೆ ಆತ್ಮಸ್ಥೈರ್ಯದ ಉತ್ಥಾನವಾಗು
ಉತ್ಫಲದ ಸೊಬಗಂತೆ ಸಂಭ್ರಮಿಸುವ ಚೆಲುವಾಗು
ಉಪಲಾಲನೆಯ ವಚನದ ಕಾಂತಿಯಾಗು
ಉದ್ಯುಕ್ತ ಛಲದಲಿ ಫಲದ ರಶ್ಮಿಯಾಗು
ರಾಮಚಂದ್ರ ಸಾಗರ್
