ನಗು ನಲಿವ ನಿನ್ನ ಮೋಹದ ಮೊಗವೇ
ನಾ ಬಯಸುವ ಪ್ರೀತಿಯ ಚಿಲುಮೆಯು
ನಿರುಪಮ ಪ್ರೀತಿಯ ಸವಿ ಬಂಧನವೇ
ನೀ ಕೈಹಿಡಿದು ಸಾಗುವ ಶುಭ ಘಳಿಗೆಯು
ನುರಿತ ನಗುವಿನಲೆಯ ನಿನ್ನ ಹೊಂಗಿರಣವೇ
ನೂತನ ಬಾಳಲಿ ಬೆಳಗುವ ದೀಪವು
ನೃತ್ಯವಾಡುವ ಮನದ ಕನಸುಗಳ ಸಾಕಾರವೇ
ನೆಪವೇಳದೇ ಹಾರೈಸುವ ನಿನ್ನೊಲವ ಹಿತವು
ನೇಹದ ಮಹಲಿಗೆ ಕರೆವ ಕಾವ್ಯವೇ
ನೈಪುಣ್ಯದ ನಿನ್ನ ಪುನೀತ ಪದಗಳ ಮಾಲೆಯು
ನೊನೆಯುವ ಪ್ರೇಮಾಮೃತದ ನಿನ್ನ ಕೊಡುಗೆಯೇ
ನೋವಿರದ ಚೆಲುವಿನ ಬಾಳಿನ ಆಗರವು
ನವುರಾದ ನುಡಿಯ ಪ್ರೇಮ ಪುತ್ತಳಿಯೇ
ನಂಬಿಕೆಯ ನೆರಳಾದ ನಿನ್ನ ಸೌಜನ್ಯದ ತನುವು
ನಮ್ರತೆಯ ನಡಿಗೆಯ ವಿನಯದ ಸಿರಿತನವೇ
ನಾವೀನ್ಯತೆ ಬದುಕಿಗೆ ಲೇಪಿಸುವ ಗಂಧವು
ನಿಗರ್ವದ ನಿನದ ಗಾನದ ಉಸಿರೇ
ನೀ ನಗುತ ನುಡಿವ ನಿಸ್ವಾರ್ಥದ ಪಠಣವು
ನಿರುಪಮ ಪ್ರೇಮದ ಸೌಂದರ್ಯದ ಹಾದಿಯೇ
ನೀ ನಗುತ ಜೊತೆಸಾಗುವ ಬದುಕು
ರಾಮಚಂದ್ರ ಸಾಗರ್
