ಸಾಗೋಣ ಬಾರೆ

ಪ್ರೀತಿಯ ರಥಬೀದಿಯಲಿ
ಅನುರಾಗದ ಮೆರವಣಿಗೆಯಲಿ
ಒಲವ ಮೇನೆಯೇರಿ
ನಗು ಸೂಸುವ ಮೊಗದಲಿ
ಸಾಗೋಣ ಬಾರೆ

ಪ್ರೀತಿಯ ಹೂಬೀದಿಯಲಿ
ಒಲವ ಇಂಪಿನ ಕಂಪಿನಲಿ
ಅನುಪಮ ಸ್ವರದಲಿ
ಒಲವಗೀತೆಯ ನಾದದಲಿ
ಸಾಗೋಣ ಬಾರೆ

ಪ್ರೀತಿಯ ರಂಗಿನ ಬೀದಿಯಲಿ
ಸವಿ ಕನಸಗಳ ಜೊತೆಯಲಿ
ಚಿತ್ತಾರದ ಬದುಕಿನಾಸೆಯಲಿ
ಸಿದ್ಧಿಸುವ ಬಾಳ ಕಮ್ಮಟದಲಿ 
ಸಾಗೋಣ ಬಾರೆ

ಪ್ರೀತಿಯ ಕರುಣೆಯ ಹಾದಿಯಲಿ
ದಯೆ ತುಂಬಿದ ಮನದಲಿ
ನವ ಬದುಕಿನ ಸ್ವಾಗತದಲಿ
ಹಂಗಿರದ ನುಡಿಗಳಲಿ
ಸಾಗೋಣ ಬಾರೆ

ಪ್ರೀತಿಯ ಸೋಜಿಗದ ಹಾದಿಯಲಿ
ಮಾಧುರ್ಯದ ಸ್ವರ್ಗದಾಸೆಯಲಿ
ಮಧುರ ಸಾಂಗತ್ಯದಲಿ
ಮನಸ್ಸುಗಳ ಲೀನದ ಲೀಲೆಯಲಿ
ಸಾಗೋಣ ಬಾರೆ

ರಾಮಚಂದ್ರ ಸಾಗರ್