ನೀ ನಿಧಾನಿಸು..

ಓ ನನ್ನ ಪ್ರೀತಿಯ ಮುಸ್ಸಂಜೆಯ ರವಿಯೇ

ನೀ ಮುಳುಗದೇ ತುಸು ನಿಲ್ಲು ನಿಲ್ಲು
ಮನದ ನಾವಿಕನಿಂದು ಬಂದೇ ಬರುವನು
ನನ್ನ ವಿರಹದ ನೋವಿಗೆ ಮೆಲು ನಗುವ
ಮುಲಾಮು ತರುವನೂ..

ಓ ನನ್ನ ಪ್ರೀತಿಯ ಕುಸುಮವೇ
ನೀ ಬಾಡದೇ  ತುಸು ನಿಲ್ಲು ನಿಲ್ಲು
ನನ್ನೆದೆಯ ಒಡೆಯನಿಂದು ಬಂದೇ ಬರುವನು
ಪ್ರೀತಿಯ ಹೂಮಳೆಯನೇ ಸುರಿಸುವನೂ..

ಓ ನನ್ನ ಪ್ರೀತಿಯ ಶರಧಿಯೇ
ನೀ ರೋಧಿಸದೇ ತುಸು ನಿಲ್ಲು ನಿಲ್ಲು
ನನ್ನ ಮನದ ಚಂದ್ರಮನಿಂದು
ಒಲವ ತಂಪೆಳಕು ಚೆಲ್ಲುವನೂ..

ಓ ನನ್ನ ಪ್ರೀತಿಯ ಕಡಲಲೆಯೇ
ನೀ ನೋವೆಣಿಸುತಾ ಈ ವೇಳೆಯಲಿ ಬೀಸದಿರು
ಉಲ್ಲಾಸದ ಚಂದಿರ ನನ್ನವನು
ಮರೆಯದೇ ತರುವನು ಒಲವ ತಂಗಾಳಿಯನೂ..

ಓ ನನ್ನ ಪ್ರೀತಿಯ ಮುಸ್ಸಂಜೆಯ ಬೆಡಗೇ
ನೀ ಮಬ್ಬಾಗಿ ಕೊರಗದಿರು
ಸೊಗಸುಗಾರ ನನ್ನವನು
ತಂದೇ ತರುವನು ಒಲವ ಚಿತ್ತಾರವನೂ..

ರಾಮಚಂದ್ರ ಸಾಗರ್