ನೀನಾಗಿಹೆ ಗೆಳತೀ..

ಒಲವ ಕಾಸಾರದಲಿ ಅರಳಿದ ಕುಸುಮವೇ
ಚೆಲುವ ಬನದಲಿ ಸುಳಿದಾಡಿದ ತಂಗಾಳಿಯೇ
ನೀಲಿ ಬಾನಲಿ ಹೊಮ್ಮಿದ ಬೆಳ್ಳಿ ಕಿರಣವೇ
ಸರೋವರದ ತಿಳಿನೀರಲಿ ಮೂಡಿದ ಬಿಂಬವೇ
ಅದು ನೀನಾಗಿಹೆ ಗೆಳತೀ..

ಪ್ರೀತಿಯ ಹಂದರದಲಿ ಕೈಹಿಡಿದ ಜೀವವೇ
ಕಾರ್ಗಾಲದ ಕತ್ತಲೆಯಲಿ ಬೆಳಕಾದ ದೀಪವೇ
ಕಂದರದ ಹಾದಿಯಲಿ ಕೈಹಿಡಿದು ಸಾಗಿದವಳೇ
ಸುಳಿ ತುಂಬಿದ ನದಿಯಲ್ಲಿ ಪಾರುಮಾಡಿದ ಪಾರಂಗತೆಯೇ
ಅದು ನೀನಾಗಿಹೆ ಗೆಳತೀ..

ಹೃದಯ ಸೌಂದರ್ಯದಲಿ ಅಜರಾಮರ ವನಿತೆ
ಅನಾಗತ ಜಗದಲ್ಲಿ ನವ್ಯತೆ ಕಾಣಿಸುವವಳೇ
ನೋವೆಣಿಸಿದ ಕ್ಷಣದಲ್ಲಿ ಸಾಂತ್ವಾನ ತಂದವಳೇ
ಬಾಳ ನಾವೆಗೆ ಇಂಧನ ತುಂಬಿದವಳೇ
ಅದು ನೀನಾಗಿಹೆ ಗೆಳತೀ..

ಅಚ್ಯುತ ಪ್ರೀತಿಯಲ್ಲಿ ರಂಗೋಲಿ ಎಳೆದವಳೇ
ಅಚಲ ಮನದಲ್ಲಿ ಗಿರಿಯಾಗಿ ನಿತ್ತವಳೇ
ಅನುಸಂಧಾನ ಬಾಳಲ್ಲಿ ರೂಪಿಸಿ ನಡೆಸುವವಳೇ
ಭವ್ಯತೆಯ ಬಂಧದಲಿ ನನ್ನ ಬಂಧಿಸಿದವಳೇ
ಅದು ನೀನಾಗಿಹೆ ಗೆಳತೀ..

ಜೀವದಲ್ಲಿ ಬೆರೆತ ಉಸಿರೇ
ಭಾವದಲ್ಲಿ ಬೆಸೆದ ಬಂಧುವೇ
ಅದು ನೀನಾಗಿಹೆ ಗೆಳತೀ..

ರಾಮಚಂದ್ರ ಸಾಗರ್