ಹೊಳಪಿದೆ..

ನಗುವ ನಿನ್ನ ನಯನದಲ್ಲಿ
ಸಾವಿರ ಕನಸು ಅರಳಿದೆ
ನಯನಕಾಂತಿ ಹೊಳಪಿನಲ್ಲಿ
ಬಾಳಿಗೆ ಭವ್ಯ ಹೊಳಪಿದೆ.. 

ನಿನ್ನೊಲವ ರಂಗಿನ ಜಗದಲಿ
ಪ್ರೀತಿಯ ಜಲಧಿ ಉಕ್ಕಿದೆ
ನವಿರು ದನಿಯ ಹಿತದಲಿ
ಸಹಿತ ಬಾಳುವ ಛಲವಿದೆ..

ಪ್ರೀತಿ ಅಂದಣದ ಮೆರವಣಿಗೆಯಲಿ
ಕೈಹಿಡಿದು ಸಾಗುವ ಮಾತಿದೆ
ಅಜರಾಮರ ಒಲವಾರಾಧನೆಯಲ್ಲಿ
ಜಗ ಜಯಿಸುವ ಜಪವಿದೆ..

ಅವಿರತ ಕಾಡುವ ಕನಸಿಗೆ
ವಿಶ್ರಾಂತಿ ಕಾಣುವ ಕನಸಿದೆ
ಅನುಪಮ ಪ್ರೀತಿ ಪದಗಳಿಗೆ
ಒಲವ ಗೀತೆಯ ಕಳೆಯಿದೆ..

ನಗುವ ನಿನ್ನ ನಯನದಲ್ಲಿ
ಹೊಸತರ ಹೊಳಪಿದೆ
ಕಳೆಯೇರುವ ಜಗದಲಿ
ನಿನ್ನೊಲವ ರಂಗಿನ ಸೊಬಗಿದೆ..

ರಾಮಚಂದ್ರ ಸಾಗರ್