ಆನನಂದದ ಆನನವು ನೀ ನುಡಿವ ಮಾತು
ಸಂತೋಷದ ಹಂದರವು ನೀ ಕರೆವ ಬಾಳು
ಆಲಾಪದ ಸಿಹಿಯೂ ನೀ ಗುನುಗುವ ಹಾಡು..
ಆನಂದಿಸುವ ಜಗವು ನಿನ್ನ ಬಾಹು ಬಂಧನವು
ಆಭಾರದ ತೊಟ್ಟಿಲು ನಿನ್ನ ಮೋಹದ ಮಡಿಲು
ಔದಾರ್ಯದ ನೋಟವು ನಿನ್ನ ಕುಡಿನಗುವ ಸೊಬಗು
ಆವಾಸದ ಸೆಲೆಯು ನಿನ್ನ ಎದೆಯ ಗೂಡು..
ಆತಿಥ್ಯವು ಮನಕೆ ನಿನ್ನ ತುಂಟ ನೋಟ
ಸೌಭಾಗ್ಯವು ಕಣ್ಣಿಗೆ ನಿನ್ನ ಮುಗ್ದ ನೋಟ
ಸುಕಾರ್ಯದ ಆಧಾನವು ನಿನ್ನ ಸಹಿತ ಜೊತೆಯು
ಶೃಂಗಾರಕೆ ಆವೇದನೆಯು ನೀ ನಾಚುವ ಪರಿಯು..
ಆಸೆಪಡೆವ ನನ್ನ ಹೃದಯಕೆ ಉತ್ತರವೂ ನೀನು
ಆಮಿಷವು ನನ್ನ ಸಿಹಿಕನಸಿಗೆ ನಿತ್ಯವೂ ನೀನು
ನಿರೂಪಕಿಯು ಒಲವ ಬದುಕಿಗೇ ನೀನು
ಪ್ರೇಯಸಿಯು ನಿತ್ಯ ಪ್ರೇಮಿಸುವ ನನ್ನ ಮನಕೆ ನೀನು..
ರಾಮಚಂದ್ರ ಸಾಗರ್
