ವಿಲಾಸತೆಯ ಬಾಳು ಅರಳಿದಂತೆ
ವಲ್ಲರಿ ನೀ ಕೈಹಿಡಿದು ಸಾಗುತಿರಲು
ಹೂಲತೆಯು ಜೊತೆಯಾಗಿ ಸಾಗಿದಂತೆ..
ಜತೆಗಾತಿ ನೀನು ಜೊತೆಯಾಗಿರಲು
ಕಹಿಯೆಲ್ಲ ಬಾಳಲಿ ದೂರಾದಂತೆ
ಸಿಹಿಯೆಲ್ಲ ಬಾಳಲಿ ಜೊತೆಯಾದಂತೆ
ಸಂತಸವೆಲ್ಲ ಬಾಳಲಿ ಜಮಾವಣೆಯಾದಂತೆ..
ಸಂಪ್ರೀತಿ ನೀ ನನಗೆಂದೆ ಸುರಿಸುತಿರಲು
ಜಟಿಲ ದಾರಿಯಲ್ಲಿ ಗೆಲುವು ಒಲಿದಂತೆ
ತುಡಿವ ಮನದಲ್ಲಿ ಸಂತುಷ್ಟಿ ಅರಳಿದಂತೆ
ತುಮುಲದ ಬಾಳಲಿ ಜವಾಬು ಬಂದಂತೆ..
ಸಲಹುವ ನಿನ್ನ ನಯನವು
ನನಗಾಗೆ ನಿತ್ಯ ತವಕಿಸುತಿರಲು
ಬಾಳಲಿ ಅಂಜಿಕೆಯು ಬಾರದೆಂದು
ಮನದಲಿ ದುಗುಡವು ಮೂಡದೆಂದು..
ವಿಲಾಸತೆಯ ನಗುವಿನಲೆಯಲ್ಲಿ
ವಲ್ಲರಿಯ ಜೊತೆಯಲ್ಲಿ
ಬಾಳು ಅರಿವಿಲ್ಲದೇ ಸಾಗಿದಂತೆ
ಜಗದೆಲ್ಲವೂ ಪ್ರೀತಿಯಲೆಯಲ್ಲಿ ಬೆಸೆದಂತೆ...
ರಾಮಚಂದ್ರ ಸಾಗರ್
