ನಿನ್ನೊಲುಮೆಯ ಸೌಮ್ಯ ನಗುವ ಮೋಹದಲ್ಲಿ
ಬಾಳು ಪ್ರೇಮದ ಹೊನಲಾಯಿತು ಬೆಡಗಿ
ನಿನ್ನೊಲುಮೆಯ ಸೌರಭದ ಹೂ ಬನದಲ್ಲಿ
ಬಾಳು ಸದಾ ಕಂಪಿಸುವ ಗೂಡಾಯಿತು
ಪ್ರೇಮದ ಕುಸುಮ ಬಾಳಲಿ ಅರಳಿತು ಬೆಡಗಿ
ಪ್ರೀತಿ ಸಿಂಚಿಸುವ ನಿನ್ನ ಹೂನಗೆಯಲ್ಲಿ
ನೋವು ದಹಿಸುವ ನಿನ್ನೊಲುಮೆಯ ಶಕ್ತಿಯಿರಲು
ಸಾಗುವ ಹಾದಿಯಲಿ ನೋವಿಗೆ ಜಾಗವೆಲ್ಲಿ
ಬೀಸುತಿದೆ ಪ್ರೇಮಿಯ ಸಿಹಿ ಮನದಲ್ಲಿ
ಪ್ರೇಮದ ಪರಿವಾದ ನವಿರು ಸಿಹಿಗಾಳಿ
ಹೃದಯದ ಮೊರೆವ ಸತ್ಕಾರದ ದನಿಯಲ್ಲು
ನಿನ್ನೊಲುಮೆಯ ಜೀವಸತ್ವ ಉಸಿರಾಡುತಿರಲು
ಎದೆಯ ದನಿಯಲಿ ಒಲವೇ ಪೂಜ್ಯವು
ಕ್ಷಣ ಕ್ಷಣವು ಪ್ರೀತಿಯೇ ಬಾಳಲಿ ದೈವವು
ನಿನ್ನೊಲುಮೆಯ ಸಾಂಗತ್ಯವೇ ಸುಯೋಗವು
ಕಾತರಿಸು ತಂಪಿರುಳು ಕನಸುಗಳಲ್ಲಿ
ಮೆಲು ನಗುವ ಬೊಂಬೆ ನೀನಾಗಿರಲು
ನಿನ್ನೊಲುಮೆಯ ಪ್ರೇಮ ಪರ್ವದಲಿ
ಬಾಳಿನಾ ಕನಸು ನನಸಾಗಿಸು ಬಾ
ಹೃದಯದ ಮೊರೆಯ ಕೇಳು ಬಾ
ಹೃದಯ ಸೌಂಧರ್ಯದಲಿ ಮನ ಗೆದ್ದವಳು
ಬಾಳಿಗೊಲಿದ ಚೆಲುವ ತನಯೆ ನೀನಾಗಿರಲು
ಬಾಳಿಗೆ ಸತ್ಕಾರ ಕನಸಾಗಿ ಬಾ
ಸದಾ ಬಾಳಿಗೆ ಜಯದಾತಳಾಗು ಬಾ
ಬಾಳಲಿ ನಿತ್ಯ ನಗುವ ಹೂವಾಗಿ ಬಾ ಬೆಡಗಿ
ರಾಮಚಂದ್ರ ಸಾಗರ್
ಸಾಗಿ ಬಾ ಗೆಳತಿ ನೀ ಸಾಗಿ ಬಾ
ನಿನ್ನೊಲವ ರಂಗನು ತುಸು ನೀಡು ಬಾ
ಮೆಲು ನಗುವ ಸೋಜಿಗದ ಮೊಗದಲಿ
ಕಳೆಯೇರಿಸಿ ನಲಿಸು ಬಾ ಬಾಳನು
ರಂಗಿನ ಕನಸುಗಳ ಜಾತ್ರೆಯಲಿ
ನಗುತಾ ಸಾಂಗತ್ಯವ ನೀಡು ಬಾ
ಪ್ರೇಮಸುಧೆಯ ಜಲಧಿಯಲಿ
ನಿನ್ನೊಲವ ರಂಗು ಅಲೆಯಾಗಿಸು ಬಾ
ಒಲಿದು ಬಾ ಗೆಳತಿ ನೀ ಒಲಿದು ಬಾ
ಪ್ರೇಮದ ರಂಗನು ಲೇಪಿಸು ಬಾ
ರಂಗಾದ ಮನಸಿಗೆ ಜೊತೆಯಾಗು ಬಾ
ರಂಗೇರಿಸುವ ಕನಸುಗಳ ಸಂತೈಸು ಬಾ
ಮೋಹದ ಸೌಧಕೆ ಒಡತಿಯಾಗು ಬಾ
ಪ್ರೀತಿಯ ನೌಕೆಗೆ ಸಾರಥಿಯಾಗು ಬಾ
ಒಲುಮೆಯ ಹಾದಿಗೆ ಬೆಳಕಾಗು ಬಾ
ರಂಗು ಸೂಸುವ ಕನಸು ನೀನಾಗಿ ಬಾ
ನಿನ್ನೊಲವ ರಂಗೇರಿದ ಜಗದಲಿ
ಬಯಸಿದ ಮನಕೆ ಉಸಿರಾಗು ಬಾ
ರಂಗು ತುಂಬಿದ ಮೊಗದಲಿ
ಒಲವಿನ ಕರೆಯ ನೀಡು ಬಾ
ರಾಮಚಂದ್ರ ಸಾಗರ್
ನಿನ್ನೊಲುಮೆಯ ಪಥದಲಿ ನೀ ಕೈಹಿಡಿದು ಸಾಗುವಾಗ
ಪ್ರೇಮಸೌಧವು ನಮ್ಮೊಲವ ಬಾಳಿಗೆ ಕೈ ಬೀಸಿ ಕರೆದಂತೆ
ನಿನ್ನಕ್ಕರೆಯ ಸವಿ ಮಾತಿನಲಿ ನೀ ಒಲಿದು ನುಡಿವಾಗ
ಪ್ರೇಮಸುಧೆಯು ನಮ್ಮಲವ ಬಾಳಿಗೆ ಸುಯೋಗ ತಂದಂತೆ
ನಿನ್ನೊಲುಮೆಯ ಒಡನಾಟದಲಿ ನೀ ಮುದ್ದಾಗಿ ನಗುವಾಗ
ಪ್ರೇಮದ ಬಳ್ಳಿಯಲಿ ಹೂಗಳರಳಿ ಬಾಳಿಗೆ ಹಾರೈಸಿದಂತೆ
ಒಲುಮೆಯ ಪಥದಲಿ ನೀ ಬಳುಕುತ ನಡೆವಾಗ
ಪ್ರೇಮ ಬನದ ಕುಸುಮಗಳು ನಿನ್ನೆಡೆಗೇ ಬಾಗಿದಂತೆ
ನಿನ್ನೊಲುಮೆಯ ಬಂಧದಲಿ ನಾ ನಗುತ ಸಾಗುವಾಗ
ಸಿಹಿಯಾಮೃತವನು ನೀ ಹಾದಿಯುದ್ದ ಉಣಿಸಿದಂತೆ
ಒಲುಮೆಯ ಕಲ್ಯಾಣದಲಿ ನೀ ವೈಭವದ ತೇರಾದಾಗ
ಬತ್ತದಾ ಪ್ರೇಮದ ಹೊನಲು ಬಾಳಾಗಿ ಹರಿವಂತೆ
ಅಭ್ಯುದಯ ಪ್ರೀತಿಯ ಎದೆಯಲಿ ನೀ ಅರಳಿಸಿ ನಡೆವಾಗ
ಎದೆಯ ದನಿಯಲಿ ನಿನ್ನೊಲವ ಪದಗಳೇ ಜೀವಾಮೃತವಾದಂತೆ
ಕಾರ್ಮುಗಿಲ ಬಾನಿನಲಿ ಮಿಂಚೊಂದು ಬಳುಕಿ ಬೆಳಗಿದಾಗ
ಹೂನಗುವ ನಿನ್ನ ಮೊಗವು ಪ್ರೇಮದ ಜಲಧಿಯಾದಂತೆ
ನಿನ್ನೊಲುಮೆಯ ಅಭಯದಾ ನುಡಿಯಲಿ ನಾ ಸಾಗುವಾಗ
ಕಪ್ಪಿರುಳ ಹಾದಿಯು ಬೆಳುದಿಂಗಳು ಹೊಳಪಲ್ಲಿ ಹೊಳೆದಂತೆ
ನಿನ್ನೊಲವ ಸಾನಿಧ್ಯದಲಿ ಪ್ರೇಮದಲೆಯಲಿ ನಾ ಬದುಕುವಾಗ
ಪ್ರೇಮ ಜಗದಲಿ ನಿನ್ನ ಮಡಿಲಲಿ ಬಾಳು ಸಾರ್ಥಕವಾದಂತೆ..
ರಾಮಚಂದ್ರ ಸಾಗರ್
ಒಲವ ಸೌರಭದಲ್ಲಿ ಕಂಪಿಸುವ ಕುಸುಮವೇ
ಒಲವ ಸೌಧದಲಿ ಬೆಳುಗುವ ದೀಪವೇ
ಒಲವ ಪಥದಲಿ ಕೈ ಹಿಡಿದ ಜೀವವೇ
ಒಲವ ಮೇಳದಲಿ ದನಿಸಿದ ಸ್ವರವೇ
ಬಾಳಲಿ ನೀನೊಂದು ಬತ್ತದಾ ಪ್ರೇಮದ ಹೊನಲು
ಪ್ರೀತಿಯ ಸೌಜನ್ಯದಲಿ ಹೃದಯ ಬೆಸೆದವಳೇ
ನಗುಧಾರೆಯ ಹಿತದಲಿ ಕನಸುಗಳ ಸಂತೈಸಿದವಳೇ
ಬೆಳುದಿಂಗಳು ಬೆಳಕಲಿ ಪ್ರೇಮದ ಹಂದರ ಹೆಣೆದವಳೇ
ಅಭಯದ ನುಡಿಯಲಿ ತನುವಿಗೆ ನೆರಳಾದವಳೇ
ಬಾಳಲಿ ನೀನೊಂದು ಅಭಯದಾ ವರವು
ಮೆಲುನಗುವಲಿ ಒಲವ ಜಗವ ಸಿಂಗರಿಸಿದವಳೇ
ಮಮತೆಯ ಗಾದಿಯಲಿ ಒಲವಾಮೃತ ಉಣಿಸಿದವಳೇ
ಕಾನನದ ಕಪ್ಪಿರುಳು ಬಿಳುಪಾಗಿಸಿದ ಜೀವವೇ
ಸುಯೋಗದ ಪ್ರೀತಿಯನು ಕರುಣಿಸಿದ ಕನ್ನಿಕೆಯೇ
ಬಾಳಲಿ ನೀ ಸದಾ ಸುರಿವಾ ಒಲವ ಮಳೆಯು
ಕನಸಿಗನೆದೆಯ ದನಿಯಲಿ ಗುನುಗವ ಗೀತೆಯಾದವಳೇ
ಪ್ರೇಮದ ಕಟ್ಟಳೆಯಲಿ ಬಾಳ ಬಂಧಿಸಿದವಳೇ
ಹೃದಯ ಸೌಂದರ್ಯದಲಿ ಮನಕೆ ದೊರೆಯಾದವಳೇ
ಉಲ್ಲಾಸದ ಮೇನೆಯಲಿ ಜೊತೆಯಾಗಿ ನಗುವವಳೇ
ಬಾಳಲಿ ನೀ ಸದಾ ಉಲ್ಲಾಸದ ಚಿಲುಮೆಯು
ರಾಮಚಂದ್ರ ಸಾಗರ್
