ಬಾಳು ಪ್ರೇಮದ ಹೊನಲಾಯಿತು ಬೆಡಗಿ
ನಿನ್ನೊಲುಮೆಯ ಸೌರಭದ ಹೂ ಬನದಲ್ಲಿ
ಬಾಳು ಸದಾ ಕಂಪಿಸುವ ಗೂಡಾಯಿತು
ಪ್ರೇಮದ ಕುಸುಮ ಬಾಳಲಿ ಅರಳಿತು ಬೆಡಗಿ
ಪ್ರೀತಿ ಸಿಂಚಿಸುವ ನಿನ್ನ ಹೂನಗೆಯಲ್ಲಿ
ನೋವು ದಹಿಸುವ ನಿನ್ನೊಲುಮೆಯ ಶಕ್ತಿಯಿರಲು
ಸಾಗುವ ಹಾದಿಯಲಿ ನೋವಿಗೆ ಜಾಗವೆಲ್ಲಿ
ಬೀಸುತಿದೆ ಪ್ರೇಮಿಯ ಸಿಹಿ ಮನದಲ್ಲಿ
ಪ್ರೇಮದ ಪರಿವಾದ ನವಿರು ಸಿಹಿಗಾಳಿ
ಹೃದಯದ ಮೊರೆವ ಸತ್ಕಾರದ ದನಿಯಲ್ಲು
ನಿನ್ನೊಲುಮೆಯ ಜೀವಸತ್ವ ಉಸಿರಾಡುತಿರಲು
ಎದೆಯ ದನಿಯಲಿ ಒಲವೇ ಪೂಜ್ಯವು
ಕ್ಷಣ ಕ್ಷಣವು ಪ್ರೀತಿಯೇ ಬಾಳಲಿ ದೈವವು
ನಿನ್ನೊಲುಮೆಯ ಸಾಂಗತ್ಯವೇ ಸುಯೋಗವು
ಕಾತರಿಸು ತಂಪಿರುಳು ಕನಸುಗಳಲ್ಲಿ
ಮೆಲು ನಗುವ ಬೊಂಬೆ ನೀನಾಗಿರಲು
ನಿನ್ನೊಲುಮೆಯ ಪ್ರೇಮ ಪರ್ವದಲಿ
ಬಾಳಿನಾ ಕನಸು ನನಸಾಗಿಸು ಬಾ
ಹೃದಯದ ಮೊರೆಯ ಕೇಳು ಬಾ
ಹೃದಯ ಸೌಂಧರ್ಯದಲಿ ಮನ ಗೆದ್ದವಳು
ಬಾಳಿಗೊಲಿದ ಚೆಲುವ ತನಯೆ ನೀನಾಗಿರಲು
ಬಾಳಿಗೆ ಸತ್ಕಾರ ಕನಸಾಗಿ ಬಾ
ಸದಾ ಬಾಳಿಗೆ ಜಯದಾತಳಾಗು ಬಾ
ಬಾಳಲಿ ನಿತ್ಯ ನಗುವ ಹೂವಾಗಿ ಬಾ ಬೆಡಗಿ
ರಾಮಚಂದ್ರ ಸಾಗರ್
