ಅನುರಾಗದ ಪ್ರೇಮ ಮಂದಿರದಲಿ
ನಗುತಾ ಒಂದಾಗೋಣ ಬಾ ಗೆಳೆಯಾ
ಅನುಪಮ ಪ್ರೇಮದ ಸುಳಿಯಲಿ
ಸೆರೆಯಾಗೋಣ ಬಾ ಇನಿಯಾ...
ನಾ ಬೇಡುವ ಆಸೆಯ ಹಾದಿಯಲಿ
ದಿನವೂ ನಿನ್ನಾಗಮನವಾಗಲಿ
ಅನುರಾಗದ ಚೆಲುವಿನ ಬಾಳಿನಲಿ
ನಿನ್ನದೇ ಜೊತೆಯಿರಲಿ ಗೆಳೆಯಾ..
ನೃತ್ಯವಾಡುವ ಕನಸುಗಳ ಮಹಲಿನಲಿ
ಪ್ರೀತಿಯ ಅಕ್ಷಯವಾಗಲಿ ಗೆಳೆಯಾ
ಸವಿಜೇನಿನನ ಕೊಳದ ಸಿಹಿಯಲಿ
ಬಯಕೆಯ ಹೂರಾಶಿಯೆ ಅರಳಲಿ
ಬಾ ಗೆಳೆಯಾ...
ಬೀಸುವ ಕಡಲಲೆಯ ಗಾನದಲಿ
ನಮ್ಮೊಲವು ಸಂಚಯನವಾಗಲಿ
ಮಲ್ಲಿಗೆ ಹೂಬನದ ಸೊಬಗಿನಲಿ
ನಮ್ಮದೇ ಪ್ರೀತಿಯು ಶೋಭಿಸಲಿ
ಬಾ ಗೆಳೆಯಾ..
ನಗುವೇ ವೈಭವದಾ ಬದುಕಾಗಲಿ
ಸೌಜನ್ಯವೇ ಸಭ್ಯತೆಯ ಸಂಕೇತವಾಗಲಿ
ಸಂಕೋಚವು ಮನದಲಿ ಮರೆಯಾಗಲಿ
ಸಿಂಗಾರದ ಸಂಕೋಲೆ ನಮ್ಮದಾಗಲಿ
ಬಾ ಗೆಳೆಯಾ..
ರಚನೆ: ರಾಮಚಂದ್ರ ಸಾಗರ್
