ಸ್ವಾಗತಿಸೋಣ ಬಾ ಗೆಳತಿ..

(ಹೊಸ ಬಾಳಿಗೆ ಪ್ರೀತಿಯಿಂದ ಹೆಜ್ಜೆಯನಿಡಿತ್ತಿರುವ ಮಹೇಶ್ ಮತ್ತು ಪ್ರಿಯಾ  ಇವರಿಗೆ ಮದುವೆಯ ಮಮತೆಯ ಶುಭಾಶಯಗಳು..)

ಗೆಳತಿ..

ಪ್ರೇಮದ ಕಡಲಿನ ಅನುರಾಗದ ಅಲೆಯು

ನಮ್ಮೆಡೆಗೆ ಬೀಸುತಿದೆ ನಿಜವಲ್ಲವೇ ಗೆಳತಿ...?

ಹರುಷದ ಬಾಳಿನ ವೈಭವದ ಯಾತ್ರೆಯು

ಹೂತುಂಬಿ ಕರೆಯುತಿದೆ ಸಾಗೋಣವೇ ಗೆಳತಿ..

ಸಂಭ್ರಮದ ಪ್ರೀತಿಯು ಕುಸುಮವಾಗಿರಲು

ಮಧುರ ಮನಗಳಲಿ ನಲಿಯೋಣವೇ ಗೆಳತಿ..

ಸಾವಿರ ವರುಷಕೂ ನಮ್ಮೊಲವು ಗಂಧವಾಗಿರಲು

ಸೌಗಂಧದ ಮೋಹದಲಿ ಬಾಳೋಣವೇ ಗೆಳತಿ..

ಮುಸ್ಸಂಜೆಯ ರಂಗು ಒಲವಿನ ರಥವಾಗಿರಲು

ನಗುತ ರಥವೇರಲು ಒಂದಾಗೊಣವೇ ಬಾ ಗೆಳತಿ..

ಘಮಿಸುವ ಮಲ್ಲಿಗೆಯ ತೋಟದ ಹಾದಿಯಲಿ

ನೀ ಬಿನ್ನಾಣದ ಕೋಮಲೆಯಾಗಲು ಬಾ ಗೆಳತಿ..

ಸವಿನೋಟದ ಆಲಾಪವೇ ಬಾಳಿಗೆ ಅಮೃತವಾಗಿರಲು

ಸಿಹಿಜೇನಿನ ನೌಕೆಯಲಿ ನಾವಿಕಳಾಗಲು ಬಾ ಗೆಳತಿ..

ಪ್ರೀತಿಯ ಮಾಲೆಗೆ ಮನಸುಗಳು ಬೇಡುತಿರಲು

ಒಲವ ಮಂದಿರದಲಿ ಹೊಸ ಬಾಳಿಗೆ ಸ್ವಾಗತಿಸೋಣ ಬಾ ಗೆಳತಿ..

ರಚನೆ: ರಾಮಚಂದ್ರ ಸಾಗರ್

ಚಿತ್ರ: ಅಶೋಕ್ ಕಾರ್ಕೆರ