ಪರಿಹಾಸ ಸಾಗರ

ಗೆಳತಿ..

ಪರಿಹಾಸ ಸಾಗರದ ಉಬ್ಬರವೇ

ನೀ ಜೊತೆ ನಗುವ ಕ್ಷಣವು

ಪರಿಹಾಸ ಸಾಗರದ ತಂಪಲೆಯೇ

ನೀ ಅಪ್ಪಿದ ಘಳಿಗೆಯು

ಪರಿಹಾಸ ಸಾಗರದ ತಂಗಾಳಿಯೇ

ನೀ ಕೈಬೀಸಿದ ಘಳಿಗೆಯು

ಪರಿಹಾಸ ಸಾಗರದ ನಿನದವೇ

ನೀ ಗುನುಗುವ ಗಾನವು

ಪರಿಹಾಸ ಸಾಗರದ ಸೌಂದರ್ಯವೇ

ನಿನ್ನ ಮೋಹದ ಮೊಗವು

ಪರಿಹಾಸ ಸಾಗರದ ಸೌಜನ್ಯವೇ

ನಿನ್ನ  ಪ್ರೀತಿಯ ಮಡಿಲು

ಪರಿಹಾಸ ಸಾಗರದ ನಮನವೇ

ನಿನ್ನ ಪಾವಿತ್ರ್ಯ ಬಂಧವು

ಪರಿಹಾಸ ಸಾಗರದ ಭರವಸೆಯೇ

ನಿನ್ನ ಅಭಯದ ನುಡಿಯು

ಪರಿಹಾಸ ಸಾಗರದ ಕಾಣಿಕೆಯೇ

ನಿನ್ನ ಒಲುಮೆಯ ರಥವು

ಪರಿಹಾಸ ಸಾಗರದ ಕಾತರವೇ

ನಿನ್ನ ನೆನಪುಗಳ ಜಾತ್ರೆಯು

ಪರಿಹಾಸ ಸಾಗರದ ನೌಕೆಯೇ

ನಿನ್ನೊಲುಮೆಯ ಬದುಕು

ಪರಿಹಾಸ ಸಾಗರದ ಕುರುಹೇ

ನಿನ್ನ ಮೋಹದ ಉಸಿರು

ರಾಮಚಂದ್ರ ಸಾಗರ್