ನೀನು-ನಾನು

ಚಿನ್ನದಂತ ನಗುವು 
ಹೊತ್ತು ತಂದೆ ನೀನು
ಜೇನಂತ ಸವಿಯು 
ಹರಡುತಿರುವೆ ನೀನು..

ಒಲವ ಬನದಲಿ 
ಅರಳಿ ನಗುವ ಹೂವು ನೀನು
ಪ್ರೇಮಿ ಮನದಲಿ ನಲಿಸಿ 
ನಲಿವ ಚೆಲುವೆಯು ನೀನು..

ನಟ್ಟಿರುಳು ಕಾಡುವ 
ಕನಸಿಗೆ ಮದ್ದು ನೀನು
ಬೆಳುದಿಂಗಳು ಪಥದಲಿ 
ನಡೆಸುವ ಸಾಧನವು ನೀನು..

ನಲುಮೆಯ ಹೊನಲು 
ಹರಿಸಿ ನಗುವವಳು ನೀನು
ನವ ರಾಗದಲ್ಲಿ ಮನ 
ತೇಲಿಸಿದವಳು ನೀನು..

ನವಿರು ದನಿಯಲ್ಲಿ 
ಒಲವಗಾನ ಹಾಡಿದವಳು 
ಹಂಬಲದ ಕನಸಿಗೆ 
ರಂಗು ಬಳಿದವಳು ನೀನು..

ಹಂದೆ ಮನಕೆ 
ತುಸು ನಗವಿನಲಿ ಸಂತೈಸಿದವಳು 
ಹವಣಿಸುವ ನಿನ್ನ ಕಣ್ಣೋಟಕೆ 
ಸೋತವನು ನಾನು..

       ರಾಮಚಂದ್ರ ಸಾಗರ್